աՐՄԱՎԻՐ ԻՆՖՈՏՈՒՆ
Հայրենականչ
Արմավիրի մարզի վերջին դասական մեդիան
Արմավիր ինֆոտան «Մեդիագրագիտություն և քննադատական մտածողություն» դասընթացի մասնակիցները շարունակում են ծանոթանալ մեդիայի աշխատանքին։
Այս անգամ հերթը հասել էր դասական մեդիային՝ թերթեր։
Այս անգամ հերթը հասել էր դասական մեդիային՝ թերթեր։
Դասընթացի մասնակիցները հուլիսի 12-ին ճանաչողական այց կատարեցին Արմավիրի մարզի միակ թերթի՝
«Հայրենականչ» -ի խմբագրություն։
«Հայրենականչ» -ի խմբագրություն։
Դասընթացի մասնակիցները հուլիսի 12-ին ճանաչողական այց կատարեցին Արմավիրի մարզի միակ թերթի ՝ «Հայրենականչ» -ի խմբագրություն։ Խմբագրությունում նրանց համար վարպետության դաս անցկացրեց թերթի գլխավոր խմբագիր , Հայաստանի գրողների միության անդամ, Հայաստանի ժուռնալիստների միության անդամ Ռաֆիկ Սահակյանը, ով նաև աշխատել է Արմավիրի գործկոմի կրթության բաժնի հայոց լեզվի և գրականության տեսուչ, ապա՝ կրթության, մշակույթի և սպորտի վարչության պետ, հեղինակել է չափածո և արձակ 15 և ավելի ժողովածուներ:
Ռաֆիկ Սահակյանը հանդիպման ընթացքում փորձեց մասնակիցներին իր խորհուրդներով ուղղորդել դեպի պրոֆեսիոնալ, օբյեկտիվ լրագրություն, արթնացնել սերը դեպի գրականություն, որից և հնարավոր է ստանալ մեծ բառապաշար՝ գեղեցիկ, ընթերցանության համար հաճելի և պրոֆեսիոնալ նյութեր պատրաստելու համար։
Պարոն Սահակյանը ներկայացրեց թերթի ստեղծման պատմությունը, որը հաջորդել է «Կոմունիզմի համար» թերթին և իր առջև խնդիր է դրել Արմավիրի մարզի ընթերցողներին ներկայացնել մարզում տեղի ունեցող ամենակարևոր իրադարձությունները։ Խմբի անդամներին հետաքրքրեց այն հանգամանքը, որ ընդամենը 8 էջով հրապարակվող թերթը ընդգրկում է բոլոր ոլորտները՝ մշակույթից կրթություն, գյուղատնտեսությունից առողջապահություն։ Այսինքն՝ ցանկացած հետաքրքրություն ունեցող ընթերցող կարող է իր համար հետաքրքիր ինֆորմացիա գտնել թերթում։
Գաղտնիք չէ, որ գնալով կրճատվում են դասական մեդիայի տպաքանակները՝ իրենց տեղը զիջելով ինտերնետային լրատվամիջոցներին։ «Հայրենականչի» ճակատագիրը այս առումով ևս հետաքրքիր էր այցելուներին։
Ռաֆիկ Սահակյանը համոզմունք հայտնեց, որ թերթը դեռևս հետաքրքրության առարկա է, քանի որ ունի իր բաժանորդները, որոնցից շատերը նամակագրական կապ ունեն խմբագրության հետ, կիսվում են իրենց մտահոգություններով, առաջարկություններով։
Ռաֆիկ Սահակյանը համոզմունք հայտնեց, որ թերթը դեռևս հետաքրքրության առարկա է, քանի որ ունի իր բաժանորդները, որոնցից շատերը նամակագրական կապ ունեն խմբագրության հետ, կիսվում են իրենց մտահոգություններով, առաջարկություններով։
Շատ մարդիկ կան, որոնց դեռ հասու չէ ինտերնետային լրատվամիջոցներից օգտվելը, նրանք այն սերունդն են, որոնց համար անմիջապես թղթից ընթերցելը ավելի գերադասելի է, մենք աշխատում ենք հենց այդ ընթերցողների համար, բացի այդ թերթի ինֆորմացիան, կարծում եմ,հավերժ կարող է պահպանվել, իսկ համացանցում այսօրվա հոդվածը տարիներ հետո դժվար թե հասու լինի։ Իմ աշխատանքների համար ես օգտվել եմ երեսունականների թերթերից, որոնք հասել են մեր օրեր,իսկ ինտերնետը այդ հնարավորությունը չէր տա։
Ռաֆիկ Սահակյան
Թերթի խմբագիր
Խմբի մասնակիցներին հաճելի էր նաև լսել ստեղծագործողի աշխատանքները հենց իր ընթերցմամբ, այդ պատճառով էլ բանաստեղծը նրանց խնդրանքով ընթերցեց իր մի քանի գործերից։
Այցելության ավարտին Արմավիր ինֆոտունը նվեր ստացավ Ռաֆիկ Սահակյանի «Խնկաբույր Աղոթքներ» բանաստեղծությունների ժողովածուն։
Այցելության ավարտին Արմավիր ինֆոտունը նվեր ստացավ Ռաֆիկ Սահակյանի «Խնկաբույր Աղոթքներ» բանաստեղծությունների ժողովածուն։
Ռաֆիկ Սահակյան
