Այցելության նպատակն էր ծանոթանալ պատկերային մեդիայի աշխատանքին, հեռուստաընկերության տեխնիկական հնարավորություններին։
ԱԼՏ հեռուստաընկերության լրագրող, խմբագիր Անժելա Ստեփանյանը քաղլրագրողների հետ կիսվեց իր փորձով, ներկայացրեց հեռուստաընկերության հիմնադրումն ու անցած ճանապարհը։
Նկարահանման տաղավարում մասնակիցները հնարավորություն ստացան տեսնելու նկարահանող տարբեր սարքեր, որոնք կադրից դուրս են եղել միշտ։ Ծանոթացան լուսավորման, ձայնագրման, նկարահանման տեխնիկաներին։

Մասնակիցները հնարավորություն ունեցան նաև ծանոթանալու մոնտաժային ծրագրին և սովորեցին մի քանի հիմնական հնարք։

Անժելա Ստեփանյանը ներկայացրեց նաև հեռուստատեսային մեդիայի աշխատանքի առանձնահատկությունները, պատկերի, օպերատորի հետ աշխատելու կարևոր խորհուրդներ տվեց։